網絡熱話｜港媽為BB重酬$8,000尋豬仔 網民質疑後道出感人故事

成日聽人講有BB毛巾被、毛巾仔，即使幾破爛都唔捨得掉，近日網上亦熱傳一件類似事件，不過主角並非毛巾，而是毛毛公仔。事緣日前有媽咪帶著BB乘坐巴士，中途遺失小豬Piglet公仔，事後BB大哭令媽咪心疼不已，更於失物谷重酬HK$8,000「尋豬」，引起網上熱議。

事件張貼於facebook「香港失物報失及認領群組」，事主於上星期五 (4月21日) 於屯門碼頭湖畔樓行去坐A33，於黃金海岸落車，落車後發現BB最愛的小豬Piglet公仔不見了，於是於網上重酬HK$8000，望拾得公仔的好心人可以將公仔物歸原主。

湊B忙亂遺失公仔 遍尋不獲孩子心碎

事主回憶，因開摺BB車手忙腳亂，可能因此將小豬Piglet公仔遺留於車上。其實小朋友遺失物件實屬平常，事主為何如此緊張？原來自己和BB一樣，對這隻公仔感情深厚，事主寫道：「小朋友好鍾意佢無左佢會喊得好淒涼，味道令佢有安全感🥺隻公仔除左小朋友好鍾意亦都陪左我十幾年，對我同小朋友都好重要😔希望能夠早日同豬仔團聚。」

延伸閱讀 >> 新式「百家被」窩心印記 ｜讓孩子穿過的衣服，以另一種方式，繼續陪伴他們開心成長

同路人安慰令事主窩心「感激大家明白我」

「香港失物報失及認領群組」當中，不少人都有類似經歷，並分享自己的遭遇令事主感到安慰。有網友表示自己也有類似的「家傳枕頭仔」：「我都有隻20幾年既枕頭仔，俾我個女攬緊豬仔快d 返屋企啦!!🐷」另外有網友的被仔亦有獨特質感氣味，不能輕易換走：「我明係味既問題 我仔張被都係縫縫補補 試過換都比佢發覺」。

延伸閱讀 >> BB失眠點算好？新手媽咪要知BB甜睡7件事

類似同款有30隻但無可取代

這位新手媽咪發帖後，不少網友幫手轉貼，又有網友指自己有同款公仔，可以轉贈給事主孩子作補償，另外亦有網友認為出動HK$8,000要尋回一隻公仔實屬不智行為。對於一眾網友的評語，事主亦作補充：「小朋友好鍾意呢隻公仔，無論買幾多隻佢都唔會要，同款嘅豬仔已經有30隻左右，但係佢都只要呢隻🥲。」事發至今已4日，似乎事主還未尋回公仔，的確有點可惜，事到如今唯有希望有奇蹟出現吧。

來源「香港失物報失及認領群組」