網絡熱話｜貪心姐姐要金粒要脅囡囡提示媽咪識做 1原因唔敢炒姐姐網友反對就犯

近來不少人在網上表揚好姐姐，更有僱主設立好姐姐專頁，讓同路人一齊為姐姐加油打氣。不過最近專頁就出現另類post，有僱主指自己一直對姐姐不薄，過時過節都會送禮表揚。不過今次遇著衰姐姐不單止懶，做事亦不達僱主要求，更要脅事主6歲女兒幫忙暗示要禮物，行為令人髮指！事件令網友極到關注，結局亦出人意表。

貪心姐姐「講金唔講心」明示想收金粒做聖誕禮物

日前一位女僱主於「表揚好姐姐開心分享區」發帖，問谷友有沒有送聖誕禮物給家傭姐姐，更道出自己的委屈。事主指自己曾經請過好姐姐：「舊姐姐非常好，所以我送1-2千蚊禮物都覺得ok，返鄉下結婚我仲送金手鏈俾佢」，不過如今新不如舊：「宜家呢個好懶，成日傾電話，家務一塌糊塗，又唔聽指示，對我女態度唔係好好，煮嘢食都求求其其。我身邊朋友都好討厭佢。」

可悲的是這位姐姐雖然工作懶散，卻貪得無厭：「佢舊年生日送咗周生生金粒，舊年聖誕節送電話（借我女把口講自己電話壞咗，想要新嘅。宜家日日同時開住兩部手機，一部睇YouTube一部傾電話。）今年聖誕佢又係借我女把口講想要周生生金粒。」

姐姐多次提示想事主送金 事主不知如何應對

其後事主裝作不知情，姐姐便加大力度：「佢22號已經教定我女點講，見我扮唔知，今日係街教到我個女係街拖我入金鋪話要買金俾佢呀。」，完全將事主 6 歲女掌控在股掌之中。

姐姐「貪得金」性格似乎是事主養成，不過事主不敢不送禮物，更因特別原因被逼看姐姐臉色。原來事主的丈夫於年初過身，事主因為要工作養家，需要姐姐照顧6歲女兒，即使姐姐做事極 Hea，事主亦不敢辭退姐姐。

事主聽取網友意見 不送金粒以利是了結事件

帖文發出後，網友一面倒支持事主不要就犯，有網友表示「係我已經第一時間搵個新工人，連你朋友都咁討厭佢，留佢喺度做乜，疫情過後大把工人啦，何必貼錢買難受！」、「我乜都冇送，廢事好似你咁縱壞哂」，大部份網友不單不建議事主送金粒，更心疼事主與女兒被欺負，大膽提議她換人：「我係你就會盡快搵第二個，而家容易請人。」、「靜靜地搵定另一個新姐姐，時機成熟然後炒佢啦。」

最後事主看過留言後，也明白到寵壞姐姐只會自食其果，最後沒有送金粒給姐姐，只以現金敷衍了事作結：「最終臨出門口之前，攞咗$500現金俾姐姐，我唔得閒去買，叫佢自己去買嘢。」

未知這位僱主會否聽取網友意見，慎重考慮請過一個新姐姐呢？新一年將至，大家也不妨趁此機會審視一下自己與家傭、家人、以至朋友、老闆的關係，在新一年重新出發，有個好開始吧。