辣媽蔣怡難忘結婚懷孕雙喜臨門

小編前排出席訂製婚紗品牌LA CEREMONIE ATELIER 的活動，主要係佢「三代傳承‧BESPOKE 訂製服務」的主題吸引到我的注意，但果日對於做為媽咪的小編來講，更大的得著係同超級辣媽蔣怡 Coco傾到計，share 返一些湊女的有趣經歷！

予人陽光開朗感覺的CoCo 於活動上再次穿上婚紗，勾起佢自己婚禮的難忘回憶：「結婚時囡囡已經在自己的肚內，與丈夫拍攝婚紗照時囡囡也被攝進鏡頭內，結婚當日囡囡在肚裡面已經四個月大，人地話新娘子肚子肉肉地著婚紗唔靚，但我就覺得好似囡囡和我們一起見證著整個婚禮，很難忘亦特別有意義。」

依家囡囡開始返 PN 班，佢好鍾意返學，其實就係去玩囉，有可以識到新朋友仔，但係D鬼主意就越來越多，譬如話次次媽咪嬲佢果陣，佢就話: 媽咪我要尿尿！藉此「逃過一劫」，媽咪都學精左，依家唔理囡囡「急尿」，都要講完教先，唔好俾囡囡制約，太搞笑喇！

CoCo仲分享與丈夫從拍拖至結婚近15年的相處之道：「兩個人在一起最重要是『信任』，不能夠互相猜疑，所以我倆從不檢查對方的電話。」小編絕對認同喎，唔信任點能夠行到一世？！

(部分圖片源自蔣怡臉書)