「生孖B」除了雙倍開心，亦有可能雙倍操心。今年榮升「龍鳳爸爸」的伍家謙，就在 facebook 提出一個「超越物理學問題」。相信伍家謙的問題，也是不少新手媽媽的煩惱。到底幫孖B添置 BB 車，揀「平排座」定「前後座」好？
睇緊BB車，完全冇概念。想問下孖B車有咩要注意？?#一前一後好定兩個平排好#求經驗分享 我挨之：www.instagram.com/vinceng88
Posted by 伍家謙 on Wednesday, July 8, 2020
「平排座」孖B車：可愛吸睛但出入窄路有困難
好處：
平排孖B車賣相十分可愛，每次出巡定必吸引不少途人目光。
考慮因素：
香港「土地問題」嚴重，不少升降機及街道狹窄，平排孖B車較難路路暢通。新手媽媽買車之前最好權衡家居地利形勢及日常行走路線是否適合再行購買。
「前後座」BB車：較易操作但後座較侷促
好處：
「前後座」BB 車與單座位 BB 車操作比較相似，較易一人操控，窄路亦較易通過。
考慮因素：
孖B車始終比一般BB車大，出入電梯或窄路時亦有一定困難。另外若 BB 已有一定月齡，便會發現後座景觀較差亦較侷促，新手媽媽要令孩子願意坐後座才能安心出街。
其他方案：BB 車「1＋1」
除了孖B車之外，新手媽媽亦可考慮可組裝的 BB 車，若多過一個大人外出時，可以分開一人推一個。需要「一打二」時，才將 BB 車合體。不單止孖 B 合用，帶兩個小朋友出街時亦相當實用。較多時間有人幫手湊 B 的媽咪，選擇兩架BB車其實比較方便。
抱一個揹一個
以上孖B車的選擇已很多，不過新手媽媽亦可以推一 個BB，把另一個BB孭在身上，這樣對新手媽媽來說比較吃力，但較易控制BB情緒。
無論選擇哪一款 BB 車，新手媽媽每次帶着 BB 去街也是一項十分艱巨的任務。如果 BB 快些學會行路，就不用父母那麼操心，可以輕輕鬆鬆齊齊去街街喇！
