advertisement
香港人趁暑假帶小朋友去旅行嘅數目，近幾年急速上升，2015 及 2016 年七、八月期間，包括 15 歲以下兒童嘅預訂機票數目，按年增加 106%，即係每年都勁升一倍有多！咁多父母帶小朋友去旅行，最多人去嘅目的地係邊度？等小編話你知啦！
第五位：東京
東京既有媽咪最愛嘅購物熱點，又可以畀爸爸品嚐美食、影靚相，仲有小朋友最鍾意嘅卡通人物、公園同動物園，真係滿足晒全家人嘅願望！
第四位：曼谷
陽光與海灘，一家大細都啱玩，而且仲可以喺市中心 shopping 嘆冷氣，大人細路都鍾意！
第三位：首爾
市中心交通方便四通八達，帶住小朋友去都完全冇難度，帶十幾歲嘅潮童去更加會歡喜若狂。
第二位：大阪
盡情食買玩嘅旅遊熱點，仲可以去埋附近嘅奈良睇小鹿，親近小動物。而當地嘅兒童及嬰兒用品商場，近年更成為不少媽咪掃貨目的地。
第一位：台北
走一轉分分鐘快過去澳門，而且無論風景與人情味都份外同聲同氣，近年更多家庭入住當地近郊嘅民宿，體驗不一樣的人情與風景。
資料來源：skyscanner.com.hk
