好喇﹐寫到黎最後一篇大阪行﹐下篇就會分享返平時湊仔既點滴~ 因為Blog已經寫緊大阪之旅﹐大家想睇大阪嘅果邊仲多相﹐有16日嘅行程^^
騎呢weak7卜車呔 >> http://prochats.she.com/curry7/
最後呢篇大阪親子行﹐一定要講埋呢個地方﹐就係位於大阪府甲子園嘅Kidzania-小朋友職業遊戲。
大阪呢個都幾爆場﹐為免白行一趟﹐大家記得提早online買定門票print出。我地同2個仔夾埋好似1萬Yen左右。佢每日分上兩場﹐每場有5-6小時玩。我地買左上半場﹐可以由9點玩到3點﹐不過我地10點先去到^^
入園時佢會派工作証同地圖﹐工作証可以拎去預留1次位。例如消防員之類多人排既職業﹐可以去留位先。因為每轉玩30分鐘﹐留左知道幾時返黎﹐就可以去玩左另一D唔使排嘅職業﹐唔使呆坐~
消防呔當然去留消防員先﹗知道12點返黎﹐就去做救護員喇~
好攪笑呀﹗幾個大姐姐﹐得佢2個豆丁細細粒Hahaha~
真係坐救護車出動同埋有人扮傷者架﹗2個就幫手聽心跳同包紮~
之後玩左消防員﹐呔仔仲坐車頭扮隊長添﹗真係帶佢地去火場射水救火﹐好認真呀﹗完全滿足呔細做消防嘅願望~
等工程時﹐又去扮左小護士護理初生BB^^
「大林組」工程﹗呔仔負責建築石橋﹐細細就上左樓上用吊機。最後仲一齊行過條橋﹐進行亮燈﹐証明佢地合作做左一項工程﹗好開心呀佢地﹗真係好有滿足感﹗工程師姐姐好好人﹐仲幫佢地同作品影左張相添﹗
之後佢地又去左做汽車維修員﹐幫人換轆換油啦﹐洗車咁~
做完幾份工﹐2個都開始累。計返每份半粒鐘﹐其實都唔少架﹗哈哈~ 呢度做野有糧出﹐拎住D紙可以去消費﹐例如買雪糕呀﹐女仔可以去美容理髮等~ 呔仔就去左整一個Eco-Tote Bag ^^
(相15)
細細就話仲想做多一份工﹐同佢行行下﹐佢話想做送貨員喎~
好叻呀﹗成功去寄件人間店舖取貨﹐再運返宅急便處理﹐再出門送貨物比收件人。呢張就係佢張送貨單﹐keep住留念先~
呔細開工戰績﹐不錯吧 ^^
真係非常欣賞呢個地方﹗除左滿足小朋友扮大人返工嘅願望之外﹐我覺得呢度好有教育意義。藉住返工比小朋友知道大人嘅社會點樣運作。要做野賺錢先可以有錢洗﹔而每個職業都需要唔同嘅技能/知識﹔與同事合作先可以順利完成一件事﹔著起制服就肩負重任﹗
