advertisement
早前參加了一個講座，當中提及想要令小朋友積極進食，菜式一定要多變、顏色要豐富，及味道當然要好啦。
說得也對，如果日日三餸一湯，雖然款式不同，但模式不變的話，小朋友確實會覺得悶的，媽咪唯有想多一些新點子，搞搞新意思。就好像意大利粉，有長條、蝴蝶、蜆殼等等多種不同的形狀，今次就試下千層麵啦！
材料：
千層麵 150 克 (約8片)
熟蟹肉 140 克
三文魚柳 100 克
菠菜苗 70 克
鮮忌廉 200 毫升
鮮奶 200 亳升
芝士碎 100 克
麵粉 1 茶匙
牛油 1 湯匙
蒜頭 2 粒(切碎)
做法：
1. 煮滾一鍋水，下少許油，放入千層麵，煮15 分鐘或至軟身，盛起備用。
2. 三文魚柳洗淨抹乾，蒸10 分鐘，起肉備用。
3. 預熱焗爐180 度。
4. 燒熱鑊，下牛油加少許橄欖油，爆香蒜蓉，加入麵粉細火拌炒至幼滑，加入鮮奶、鮮忌廉煮滾，加入三文魚肉及蟹肉，再煮滾後離火，加入菠菜苗及半份芝士碎拌勻成醬汁。
5. 焗碟塗抹少許油，鋪上一層醬汁，放一片千層麵，再鋪上一層醬汁，用同樣方法逐層將千層麵鋪上 ，最後將剩餘的醬汁鋪面，灑上餘下的芝士碎。
6. 放入已預熱180度的焗爐焗15分鐘至金黃色。
小貼士：
- 這道菜不用下鹽調味，因蟹肉及芝士已帶有咸味。
- 如能選購到新鮮的花蟹或白蟹，洗淨蒸熟起肉，效果更鮮味。
- 盛起已煮熟的千層麵時，以十字形放好，避免千層麵黏在一起。
