advertisement
依家無論大人細路，都鍾意用表情符號表達自己。呢套《Emoji 大冒險》就係改編自備受熱捧的形意符號，粵語版將會由鄭伊健、林曉峰及麥明詩聲演。
佢哋每日都期望能夠畀使用者選中。喺 Emoji 世界入面，每一個表情符號都只有一種表情，唯獨阿基與眾不同，佢有唔同情緒的變化。令到主人以為電話壞咗，要將成個 Emoji 程式刪除！
為咗拯救一眾 Emoji 脫離面臨消失嘅危機，阿基決定踏上尋找解救方法嘅征途，跟「畀個五」同埋「JB」兩個夥伴共同穿梭電話內多個程式之間，經歷一場刺激又歡樂嘅 Emoji 大冒險！