大阪行:白浜Adventure World II

上篇介紹左呢個樂園有咩動物同機動遊戲﹐今次就講下我覺得當中最值得去既SAFARI WORLD~

好似我地咁搭觀光車睇係免費既﹐全程大約半小時。好多野睇呀真係﹗有D大開眼界既感覺haha~

另外可以徒步入去睇大象﹐斑馬﹐長頸鹿等草食動物。又或者租車揸入去都得~

呢度動物種類非常多﹗左右2邊都有﹐坐埋一邊睇唔晒架﹐有時間可以搭多轉~

肉食動物區有電閘架﹗我地坐觀光車佢就會打開~

我同老公都諗﹐打開果時佢地衝出黎﹐咁出面徒步緊果D人點算呢?@@ 當然唔會咁危險既﹐應該有嚴格監察﹐唔會比佢地走到出黎既 ^^

入到呢度全部都係野生猛獸﹗樂園仲要好細心咁安排左每次有車經過﹐都有員工響車拋餵大舊肉﹐咁就可以引佢地埋黎﹐比我地近距離觀賞喇~ 超讚~~

最後見到袋鼠打交﹐好勁呀D腳法﹗﹗

仲有好多其他動物架﹗大家去Adventure World時﹐最好開門就入去﹐佢5點收架喇﹐唔早D 去玩唔晒 ^^