黑門市場。海游館

自從有左小朋友後，所有假期都係用黎陪佢地玩。好似今次返香港，同埋去日本，知道大阪多野啱小朋友玩，就決定帶佢地黎呢度。呢個trip計劃去既地方都係比小朋友，總之佢地開心我地就好開心架喇，做父母既個個都係咁架啦，哈~

今次去大阪，真係極度興奮呀！一黎算係第一次同仔去旅行(香港係返鄉下)，二黎有朋友仔招呼入住，仲幫我地plan好晒行程，真係非常感激！加上佢有2個小朋友，知道有咩岩小朋友玩。仲勁喎！佢有本親子天書，成本都係講大阪府內小朋友去玩既地方。遊樂園，動物園，可參觀唔同既館，溫泉等包羅萬有，今次掂晒啦！

好喇，講返D親子行程。其實我都係第1次黎大阪，今次無刨書唔算熟，不過可以講下我地去完既親身經歷，咁大家可以交流下有小朋友既話，去大阪有咩好玩。路線煩請大家上網搵，熱門野應該都大把資料架喇^^

1)黑門市場

果日plan去海游館，之前去黑門市場搵食。果度D魚生勁新鮮，拖羅超肥美呀，食到滿口油，家陣仲回味當中，haha~ 小朋友去都OK，幾多野睇。可能呔細好少行街市，佢地對D蝦蟹海產，生果之類野充滿興趣。

2)食飽飽就去海游館，地下鐵中央線大阪港站。

呢個館我自己覺得幾好，好大好新淨。餵海獅呀企鵝果D都好得意，小朋友實開心。魚蝦蟹水母超多種類，都幾精彩，好多野睇。最尾可以用手摸魚摸海星，過足手癮，哈哈~

呢個館高7層，而賣點就係呢條超巨型鯊魚喇！全長的12M，又真係幾巨大既，heehee~

玩完都入黑喇，一出門口，外面著晒燈超靚呀！！位置響海邊，有綠光摩天輪，坐響入面欣賞海灣超舒服！呢度就算無小朋友，拍拖黎都好適合。