advertisement
- motherhood
- by d.i.y. 熱衷者bowie
- 21/08/2013
最近有朋友問我係屋企生BB有咩要準備同埋叫我分享生仔過程，於是我搵返兩年前打既blog， 由26週直至生一共寫左幾篇，希望各位睇完唔好怕生仔，其實身體健康冇咩病痛的話，順產其實唔係咁可怕既。
進入26週，尋日再照3D ultrasound，見到個B係咁踢黎踢去，又用手遮住塊面，好不活躍。
今日第4次見midwife(接生婆)了。
搵midwife community 真係好好多，首先佢地會安排兩個midwife 俾你，而你每次探訪都只係會輪流見其中一個midwife，因為佢地預左到時可能其中一個要stand by 同其他人接生。最起碼另外果個midwife 都有跟開你，到你生果時佢會了解你一直以來既狀況。
相比下見醫生就差得遠了，最初發現有左時由普通醫生介紹左我地去見某專做接生既女醫生，每次去到明明預約左時間都要等成兩個鐘先有得見，個receptionist 又無比臭串，醫生雖然都算nice，但每次佢都好似好趕住要見第二個病人咁，去左兩次計埋都見佢唔夠15分鐘，我頂。我仲未有health care，次次都要真金百銀俾$ ga，好心俾D 誠意Y。係頂唔順既情況下我地經朋友推薦去左見midwife。
我26週前每5個星期見一次，宜家開始就每3星期一次。每次可以同佢地傾成個幾鐘，無論係生理同心理上佢都會好關心你既近況，有問題問佢地都解釋得好詳盡，每見佢地一次我對生仔既恐懼就愈少。
正題，今次同佢地傾既topic 係 home birth，同香港唔同，係加拿大home birth 係一件幾平常既事。我同老公之前一直都好反對home birth，覺得宜家咩年代呀，當醫療咁發達既時候做咩要冒險係屋企生呢，如果有意外又點算呢?
待續.
