唔鍾意照顧小朋友唔係冇愛心咁簡單，可能係身體入面少咗「好爸爸基因」

好多爸爸都好有愛心，幫小朋友換片片、餵奶、照顧周到；有啲爸爸對小朋友冇乜耐性，聽到 BB 喊都嫌煩，其實可能佢自己都唔想架，因為以上一切好可能係先天因素影響。

早前哈佛大學做咗一個遺傳學研究，搵出咗兩種唔同嘅老鼠，發現其中一組雄性老鼠，明顯比另外一組花更多時間照顧幼鼠。原來老鼠因為基因嘅差異，會生產出或多或少嘅「抗利尿激素」，研究發現第一組老鼠嘅「抗利尿激素」係正常水平，所以會照顧幼鼠；而另一組老鼠「抗利尿激素」偏低，唔積極參與照顧幼鼠。

呢項研究發現咗照顧後代嘅能力，原來同基因有密切嘅關係。有啲人唔鍾意小朋友，唔想生小朋友，未必完全係佢哋主觀想法，而係基因決定命運！

阿Bob成日一家大細出席活動，三位千金成日笑容滿面，最近仲添丁之喜，係娛樂圈公認好爸爸。

就快再做爸爸嘅張頴康，成日貼出佢同老婆麥雅緻同囡囡小豆嘅溫馨照，佢仲好快再做第二任爸爸添！

圖片來源：Bob Lam林盛斌 Facebook、張頴康 麥雅緻Facebook