【夏遊關西】竟然咁少人知 大阪平靚正的地方(上集)

岩岩去完大阪兩個禮拜返港，想介紹下D大家不常去的，比大家多幾個選擇，方便黎緊暑假 plan親子行程。之前提過既好多都係觀光同玩樂，今年兩個仔大個D ，可以帶佢地去多D學習性既地方，見佢地好鐘意，值得推介一下>>阿倍野地震防災館 (地下鐵: 阿倍野站) 。

上次去大阪時望到一張佢既宣傳單，決定下一次要黎望望。響美國時去過Earthquake Center，果邊間中都有地震，所以覺得帶小朋友去學習係好好既節目，當中除左教識小朋友地震時應變外，亦比小朋友了解一下地震帶黎既破壞可以有幾大，自己可以安居樂業其實唔係必然，要珍惜安穩。

我地平日去，好少人，原來係要一早上網或打電話去預約的，免費參觀。有唔同既體驗項目，逐個體驗都得，職員好好人呀，我地唔知要預約，佢都派左一個職員帶我地體驗左幾個主要項目，我地試左地震後響屋企要做既事，關掉所有電源，之後濃煙逃生，又學用滅火筒救火，呢D 呔仔細細好有興趣，第一次用堅野，覺得好勁！之後去左一個仿災區了解，好真實，好壯觀！教我地地震後來D 電線，吊牌都會跌下，街道亦好多陷阱，點樣防避等。覺得雖然香港無地震，但去體驗一下好有用，因大家都愛去日本，突如其來可以兩手準備。建議小朋友大少少再去先會跟到指示，體驗頗認真的，地震唔係講笑架！

響日本市立場館一般入場費好平，大人只係幾百 yen ，小朋友好多時係免費，目的係比小朋友學習唔同知識，呢方面佢地做得好好，值得欣賞。

館內兩層，上下層分左幾區，差唔多全是標本，好多好多未見過既大大小小動物、昆蟲、大自然生物等。海陸空都有，呔仔細細睇到哇哇聲，不斷研究。除左超多標本，仲有勁大恐龍骨館，好驚喜！最利害係果渣好難讀既恐龍種類名，佢地識得晒！估唔到平平無奇既市立博物館有咁多野睇！

而同一張門票，原來包埋行過隔離睇植物的，果邊就細少少，睇既野差唔多，有時間都可以去埋，都值得推介。