專家信箱：絕對不建議用不鏽鋼煲烚奶樽，因為……

Alice問,
市面上咁多奶瓶消毒器，幾百蚊到幾千蚊都有，應該點揀？如果我唔用消毒器，就咁用不鏽鋼煲烚奶樽又得唔得？

林太回覆：
市面上奶瓶消毒器，原理是用沸水的蒸氣為奶瓶進行消毒。而近兩年韓國更有推出紫外線消毒機，消毒之後奶瓶亦同時烘乾，不會像奶瓶消毒器般用後令奶瓶濕漉漉，除了消毒奶瓶亦可以用來消毒玩具及其他嬰兒用品，不過這種消毒機價錢亦相對較貴。兩者之間可以按自己的購買預算進行選擇。

不過我就不建議你使用不鏽鋼煲為奶瓶消毒。以前曾經有專為消毒奶瓶而設計的不锈鋼煲出售，但現在已被淘汰。原因是不鏽鋼煲用明火煲水消毒奶瓶，如煲乾水不僅會溶掉奶瓶，兼且十分危險。一般奶瓶耐熱溫度都不過120度，奶嘴普遍亦是 120 度（可參看產品包裝），即使奶瓶過熱而未有溶掉，亦難保沒有釋出有害物質，會對 BB健康會造成影響。