幼稚園大作戰 –父母準備篇

大家好，我係國皇的婚禮既文迪媽媽

呢篇係第一篇係shemom既文章…

今次希望分享一下我地呢d怪獸家長

點樣協助小朋友過渡呢場幼稚園大作戰

近年, 好多家長相信下面呢兩句

起跑定人生-要贏在起跑線 !!

由於細佬仔Marcus, 係龍年BB,傳統中國人都鍾意生龍B..龍年效應令去年出生率大增
個個家長都想小朋友贏.....為左呢條"起跑線"...
家長們都要鬥早/鬥細心/鬥財力 /鬥多時間
睇下大家可以去到有幾盡 ?有咩要準備??

先黎一D基本資料
我係新手媽媽...幾時入讀N班? 幾時入讀K ? (攪唔清楚呀)
N1 - PRE-NURSERY
K1 - 幼兒班
K2 - 低班
K3 - 高班

幼稚園K1 班應在出年2014年8至9開始報名, 要視乎各幼兒園的個別報名日期

龍BB 下一年9月1日 (2014 年9月1 日) 前到兩歲就可以入讀N班

(2015 年9月1 日)前到三歲就可以入讀N班

入讀年份

2014 - 2015 = N1 - PRE-NURSERY

2015 -2016 = K1 - 幼兒班
Playgroup / N班應該幾時報名?

自己經驗:

最好bb 都係大過 9 個月先上 playgroup...最好一歲以上, 要識行 or 爬好D ...
當然妳話6 個月上得唔得...
黎緊幾年競爭咁大..早d比佢學野/玩多d好D 喎.
不過結果好多時都係playgroup 個導師玩d父母多d
之前已經證明左睇學習DVD / flash card 未必真係好!
早D比佢玩Flash card 同DVD 都未必好

Reference 唔應該比BB睇學習DVD Flash card (有片/有哈佛專家Support)

點解?原來係外國"有D"研究證明係無效 ~
更加可能對BB做成「災難性」傷害

父母其一既準備就係決定點樣用呢D教材

除此之外，身分怪獸家長既文迪
我地係Marcus 8 個月大已經係幫佢踏出佢既既第一步....報左兩間幼稚園n班熱身啦~

問番校長...我地算唔算早...??
校長..答當然唔算啦  ...
正所謂天外有天..人上有人...有d 幼稚園一出世
一拎左出世就已經要開始報既幼稚園架
有d playgroup 未出世..已經要拎住張超聲波照片去報名

[想知道邊間可以facebook 問我地]

(i) 所以父母熱身篇第一件事就要鬥早.....妳有無咁既決心???
(ii)父母熱身篇第二件事就要鬥細心~
而家係幼稚園面試旺季....父母自己既面試準備就係下面呢d問題
起碼要對自己去interview 既學校同埋自己仔仔囝囝喜好要有基本認識
e.g. 父母面試問題

==========================

1.為何為子女選擇這所學校？

2.對學校的期望？

3. 對子女的期望？

4.可否講講自己的教育理念。

5.如何培育子女？

6.(問媽媽)你要工作嗎？如有，怎樣照顧子女？

7.(問爸爸)你做甚麼職業？平日如何跟子女溝通？

8.(問雙方需要工作的家長)平日多應酬嗎？多回家吃晚飯？

9.(問雙方需要工作的家長)每日陪伴子女的時間是否多於一小時？

10.假日時，會帶子女到何處？

11.你的子女最愛吃的食物？

12.你的子女最愛的卡通人物?(呢D當然唔可以答米奇妙妙屋啦)

(iii)所以父母熱身篇第三件事就要鬥財力

大家其實有睇下新聞就知...

有D PN班月費1.3萬.....貴過讀大學

一年收10 個月學費....唔計校車果Part...都係13萬

仲有而家幼稚園興學校遊學團.....有d遊學團要$30000 一個人?

學校攪到得遊學團...一定有佢既用處..親子嘛 ~

去唔去自己決定....唔去"無"話過影響直升喎...

國皇之家一家四口去幾多錢? 哦...都係少少地...盛惠12 萬~

(iv)父母熱身篇第四件事就要鬥多時間

唔好計上堂既主角同埋金錢.

要完全成為怪獸家長.....只計陪下阿仔上
兩文三語/興趣班 /私人NET/ 面試班 /音樂班....

都要大量既時間 !!

黎到呢到....大約知道父母要準備D咩未???

大家若果唔夠其他家長鬥早/鬥細心/鬥財力/鬥多時間

係咪應該一個都唔駛生 ??

當然.....文迪媽媽一家唔會咁做 ~

其實去到最後...

因為我地決定生兩個小朋友,已經係決定左...唔係樣樣比到佢地最好 !!

樣樣幫佢地安排到最好eg. 兩文三語/私人NET/幼稚園/一對一補學習/遊學團..唔係我地既Style ~
童年最重要的任務就係玩 !!
不過咁樣谷..上好多興趣班...真係對佢地最好??

父母幫佢安排好晒D超強大幼稚園..都要佢當日表現好先得架~
我地認為..生兩個小朋友...培養佢地兄弟情..由細到大互相扶持..

到我地一日最後"主懷安息"

死後佢地都可以有個伴/親人陪伴自己既人生..開心活下去就最好~

至於幼稚園既最後結果.....到時再算啦~

最重要係繼續加油...不要俾太大壓大自己和囝囝.

Mancent Marcus , 我想你開心D  就可以啦

嬴左又點???..輸左個快樂童年...輸埋童真...小朋友大過左就唔可以番轉頭

父母既準備..最好就係記得呢句說話:

Learning is not a race !!

小朋友起步有幾快...起步有幾差都唔緊要, 因為求學並不是一場比賽
好似”龜雖然起步慢過免仔，但最終結果是連所有人都始料未及的。”