游水抗哮喘

前年呔仔快4歲時，被醫生確診哮喘。原因好可能係遺傳，因我同佢爸爸都係勁敏感底，而細細BB時D濕疹仲非常嚴重。初初聽到話哮喘，真係世界末日，喱埋狂喊，個仔有事做媽咪既真係勁肉赤！又內疚啦，咳左兩個禮拜覺得自己拖耐左，唉~ PO相當時，就有好多卜友安慰我，又講我知好多對哮喘有幫助既方法，我先開始悉懷，真係人間有情啊！

集合所有建議，其中最多人認為係游水，都話keep住游水，哮喘會斷尾。我當然不敢怠慢，即刻幫2個仔報游泳班。

雖然我係住加洲，但大家唔好以為我呢度好好陽光，查實我地住三藩市既，長期大霧又大風。就算夏天都只係得三兩星期會係熱，但就算點熱，夜晚都會凍架喎，都要著長袖！一日4季十分平常，車入面有晒唔同季節既衫，因為可能渣得半個鐘頭去另一區，會由冬天變左夏天！

由於天氣關係，呢度無人會去沙灘游水，亦無公眾泳池。結果搵左我地社區既游泳班，室內有暖氣，但水係80度，凍的，要游開個身先會暖。另一間就係有暖水池既游泳學校，但要等位，所以就游住社區果間先！陰功喇，天寒地凍，睇到2隻野落水凍到牙較都震埋，上左10堂，堂堂都唔想落水。結果唔學住，等暖水果間有位先再學。

前2個月，終於等到暖水池有位，2隻野開始上堂。佢地上第1堂非常鐘意呀，老師又有愛心，佢地仲成日問住幾時游水。呢邊D泳班全部每星期一堂，每堂半小時。好似好少時間咁，但佢地又學得幾好喎！由初時落水都驚，到而家用tools游到少少，手臂開始識划水。不過其實學得快慢唔緊要，最緊要keep住游水強壯肺功能，呢個先係重點！

間學校分級用Ribbon，而家佢地working on Green Ribbon(即初級)， pass埋‘識抖氣’就可以拎到Green Ribbon升級喇！每級會教唔同既游泳技考，達標後繼續上。諗起2個仔第時游水好叻，有型又大隻(自己幻想...)，真係開心喇！哈哈~