胡杏兒陀 B 六個月飛澳洲 醫生指對胎兒冇害，不過……

「胡說八道會」六個姊妹胡杏兒、胡定欣、胡蓓蔚、姚子羚、李施嬅及黃智雯，齊齊去澳洲拍攝無線旅行特輯《胡說八道去旅行》。當中胡杏兒雖然已約滿無線，兼夾陀住 6 個月 B，但係為咗齊人都樂意奉陪飛去澳洲拍攝「大製作」，認真夠老友！

好多傳聞話搭飛機有輻射，而氣壓轉變會影響到 BB，到底杏兒陀住 BB 搭飛機又係咪安全？我哋為此訪問咗張傑醫生。佢話無論係剛剛懷孕抑或 BB 就快出世，從西醫角度都冇「陀 B 不適合搭飛機」的說法，只要航空公司及目的地許可，孕婦在任何時間搭飛機也不是問題。

 
雖然搭飛機唔會影響 BB 健康，不過張醫生指陀 B 6 個月以上最好不要外遊，最大擔心是嬰兒早產：「如果 BB 要提早出世，全世界各地醫生，遇上 24 週（約六個月）以上 BB，都會盡力讓他出生；不過早產 BB 一定要留院觀察，到時很可能長時間不能回港。」

張醫生更指出，世界上幾乎只有香港是先治療後付費，若果懷孕期間身在異地遇上身體不適，先不計當地醫療水平是否可靠，單是張羅醫療費用也是一個難題。因此他認為如果沒有特別情況，並不建議懷孕 6 個月以上的孕婦外遊。

圖片來源：胡杏兒微博