餐桌上的分享

我同遲媽各有各忙，好難得先可以一家人一齊食餐飯。

今日一家人一齊食食下飯，遲仔突然分享一件喺學校發生嘅事...

「今日小息時，XX同學話我行得慢呀...」

試下引導佢講多啲...「跟住呢？...你當時點諗呀？...下次遇到類似嘅事可以點樣處理呀？...」

遲仔講下講下，講到眼濕濕。

但分享完後，抹乾眼淚，又繼續食飯、同齊齊講笑嗌交。

似乎，今次分享，遲仔可以放下心頭裡嘅一件大石。

小朋友越來越大，要面對越來越多嘅人和事，會遇到外來嘅壓力、與人相處嘅不協調。特別係遲仔呢類比較硬頸同固執嘅小朋友，我諗會喺人際關係上遇到唔少困難。

希望今次飯桌上嘅分享經驗，可以讓遲仔知道，「屋企」係一個可以讓佢分享、讓佢得到安慰、讓佢得到指引嘅地方。

遲仔，加油呀，爸爸撐你！

後記：要讓仔女覺得爸爸是可傾訴的對象，爸爸要...

(1) 投資時間陪伴，係專心陪伴，唔係一面玩手機一面陪個一隻。

(2) 多聆聽，唔好咁快下結論或給予答案，善用引導問題：跟住呢？可唔可以講多啲俾我聽呀？

(3 控制情緒：不要時常板起面孔或黑面；不要經常催逼，依依哦哦，攪到自己好似一隻「黑面天哦」咁樣。

(好好珍惜同仔女一邊食飯，一邊分享的機會。)