BB失眠點算好？新手媽咪要知BB甜睡7件事

BB失眠是一個很難搞的問題。我有了第一胎的經驗，這一趟總算比從前輕鬆。對正在坐月的媽媽來說，能令BB甜睡確是首要任務。解決BB失眠，BB瞓得好，代表自己也可充份休息，身心便能得以紓緩。

累積了從前的湊B經驗，加上向陪月偷師，我總結了以下能解決BB失眠，讓BB甜睡的7件事，希望可以幫到各位媽媽，尤其是新手媽媽。（這裏說的大前提是BB在健康的狀態下。）

BB失眠解決方法一：食飽飽

天下所有BB，本能反應，大叫大喊的一個重要原因就是──肚餓！要解決BB失眠，令BB瞓得好瞓得耐，首先要填飽他／她的胃。當BB飲飽奶後，提提各位媽媽記住幫BB掃風呀，尤其餵配方奶粉，否則道氣頂住頂住，除了令BBB失眠，還容易嘔奶呀。

要確定BB是否肚餓，可以用手指輕點他／她的嘴邊，如果她張開口追著你的指頭，這就百份百代表他／她現在很餓了。

試想像如果BB Pat Pat濕濕，即使他／她沒有大叫大喊表示不滿，都一定不會瞓得舒服，不想BB失眠就難！最適當的換片時間是在餵奶前，因為通常BB食飽飽都比較容易入睡，如果他／她食飽正想進睡時，你左搞右搞換片，隨時給你搞醒，免得前功盡廢，還是餵奶前check片。

不想BB失眠，想BB瞓得夠甜，穿著舒適的衣物都好重要，必選全棉的衣物，款式以開胸的連身衣最好，就算半夜要換片都不用左除右除咁複雜，唔怕搞醒BB。同時避免太花巧的款式，如拉鏈、喱士、花邊、毛毛等，太厚太焗身的質料都不宜。

我個人很喜歡來自法國嘅 PETIT BATEAU，BB衫設計簡約時尚，signature除了有我鍾意的波點及條子，還有碎花圖案，質地不用說，選用優質靚純綿，洗極唔易殘，價錢唔平，但我通常睇準減價時入貨。呢幾件全部係啱啱summer sale時買給囡囡的。

BB在媽媽的肚內10個月，都被胎盤胎水包裹住，好有安全感。不想BB失眠，就要給他／她安全感。所以初生BB瞓覺時都建議用舒適的圍巾包緊才放上床，讓BB猶如在媽媽肚內面咁溫暖而又有安全感，自然瞓得甜啦！

室溫都好重要，太熱或太冷都令BB瞓得唔舒服，太熱容易令BB煩燥，甚至出熱痱或粒粒，太冷，BB打噴嚏容易扎醒，會令BB失眠！最舒適的溫度為24-25度，再蓋張薄薄被仔就可以了。

最令媽媽氣餒的，好多時係以為暗了BB瞓，點知一放落牀，BB即刻醒晒，甚至大叫大喊，要你抱番起佢，最慘係有啲BB仲鍾意人一邊行，一邊搖呀搖咁暗佢先肯瞓，確實輕輕搖晃是能讓BB安眠的作用，唔想BB失眠，我推介坊間唔少搖搖椅或牀，真係幫到手。

遇著燥底BB，少少噪音或突如其來的扎醒，BB就大叫大喊難以入睡，要安撫這類BB，不妨播放柔和音樂，或一些搖籃曲，同時可輕拍BB的心口，讓BB平靜下來，自然唔怕BB失眠。

COMBI 呢張最新嘅搖搖餐椅，除咗可作high chair，放平後是張電動的音樂搖搖牀，我家的妹妹豬就很喜歡它，我都大愛！因為有咗佢，我可以多啲時間休息，睇見妹妹瞓得咁舒服，我個心都甜晒，仲唔駛擔心BB失眠，真係物有所值！

電動版最正係可調較搖晃的幅度及音樂的音量，約15分鐘後會自動停止，你亦可以選擇單播放音樂或只輕輕搖晃。

查詢：

COMBI : Aeon, Sogo, Wing On 2366 2892

PETIT BATEAU: Shop 209, 2/F, Lee Garden, Causeway Bay 3188 1592