3孩媽媽陳凱琳一人分飾兩角扮煙民？網民讚有教育意義兼創意！著重身教3大原則

現年33歲的靚媽陳凱琳（Grace），港姐、華姐冠軍出身，早已被公認美貌，而且智慧並重。陳凱琳與鄭嘉穎婚後先後誕下3名兒子，憑健康形象成功由演員轉型成為KOL，去年更榮登最高收入冠軍。Grace向來以家庭為重，仍可兼顧工作不時拍片更新近況，日前（20日）她再有新片，今次更一人分飾兩角扮煙民拍片呼籲控煙，獲網民大讚有教育意義兼創意！除了這次控煙行動，陳凱琳曾表示作為媽媽應以身作則，堅守身教3大原則，成為兒子的好榜樣。

陳凱琳向來形象健康，在片中於街頭公然吸煙並拍下影片，確實嚇窒網民！Grace更身處在學校門外、醫院門外，以及公園裡面吸煙，細看之下便發現是作狀而已。原來，陳凱琳是為了宣揚控煙的信息，在片中一人分飾兩角，一位是吸煙的女生，另一位則是反串扮演的「小鮮肉」勸籲她不要吸煙，以劇情式演繹作推廣控煙，獲得網民大讚別具意義及有創意。

陳凱琳在帖文上亦寫上：「如何吸引另一半？ 一招搞掂！其實今時今日要識人已經唔容易，真係搵到個比較吸引到你嘅人，就千祈唔好錯失機會啦～如果你吸煙咁⋯ 🚬 就可能降低你嘅吸引力。無論你用咩類型同咩口味嘅吸煙產品，佢哋嘅二手煙對自己同對身邊嘅人都唔好⋯⋯嚟緊禁煙區將會擴大至指定處所出入口範圍同埋排隊嘅地方（好似醫院🏥、學校🏫、同埋巴士站 🚌），仲會提高違例吸煙嘅定額罰款添！ 不如盡快戒咗煙佢啦？一齊支持控煙！真係多多益處㗎」。

陳凱琳著重身教3大原則 

陳凱琳與老公都認為身教十分重要，只要在細微和簡單易做的事情上入手，才能融入生活成為可持之以恆的習慣。

陳凱琳身教原則1. 奉行綠色生活

陳凱琳夫婦二人都認為環保意識要從小教導，例如她喜歡在家栽種可食用植物，也會供自己食用，亦可作家居布置；於日常飲食中轉飲植物奶，並支持本港有機農場生產出的蔬果，還會教導兒子不要浪費食物。而老公鄭嘉穎則為了與囝囝製造更多親子時光，不時上網找尋不同環保手作一起動手做，認為環保都可以十分好玩和別具創意。

陳凱琳身教原則2. 常做義工慈善

陳凱琳稱得上是「時間管理達人」，平日既要照顧家庭、兒子、拍攝工作，也會做義工、出席慈善活動，非常有心！早前，Grace為甘比旗下的社企餐廳秀樺廚房做義工，幫助自閉症青年融入社會。上年7月在二仔Yannick 4歲生日當天，仍抽空出席香港救助兒童會（救助兒童會）成立15週年活動，她更乘機跟壽星仔說要親自頒獎，並解釋：「佢哋喺社會上貢獻好大，同埋希望透過呢次機會俾大眾多謝佢哋。我希望以身作則，等自己小朋友大少少可以同我一齊出嚟做義工。呢個社會好多人需要關懷，好多人好熱心，我想做個榜樣比佢哋睇。」

陳凱琳身教原則3. 著重健康  少吃零食

自從當媽媽後，陳凱琳更注重保持年輕，加上要做兒子的榜樣，Grace不再隨意吃零食，並指老公鄭嘉穎飲食健康。