呔爸禮物

小朋友返左學，最期待父親節既當然係爸爸們啦！
未返學之前，父親節禮物都係老婆預備既，其實無咩意思。
直到小朋友返學喇，學校多數會教小朋友為爸爸們手做一份禮物。
無論係亂畫一幅畫，一條紙呔，還是抽象地寫幾個I LOVE DAD既英文字，爸爸們收到一定甜到入心啦！
今年係呔仔第一年返學既父親節，學校攪左個小Party，爸爸請唔到假，唔緊要，我係鐵膽！
早上有個小小茶會，各爸媽齊齊享用精美早點 (好似跟團咁) XD
小朋友可自由畫臺，呔仔就畫左小老鼠軍隊，仲寫左我地個名既頭一個英文字添!

然後老師講左一個關於爸爸既小故事，期間眾人開始篤電話，哈~

之後小朋友們開始整禮物比爸爸，暗喜爸爸唔在場，今次可以比個Surprise佢啦!(不過呔仔一返到屋企已經同爸爸講話整左相架禮物 @@)

然後老師又帶左我地去一個大帳幕入面觀星，由於太深奧同埋太多既數字，呔仔半途拉左我走，去揾返班同學仔玩，哈哈。

今次Dad’s Party學校攪BBQ，除左大人燒野食，小朋友們都有份食hot dog，仲有西瓜做生果添，非常開心啦!

呢份就係呔仔送比爸爸既禮物喇！銀底Polka Dot好正呀！我仲見到有呔仔最鐘意既消防車，頭頂仲有閃燈添！呢個應該係我先睇得出喇卦。呵呵~