大阪行: Kids Plaza Osaka

開左學 2 個月，又係時候 plan 定聖誕去旅行喇！哈哈！！其實上年響 shemom 呢度都寫左一輪 "大阪行”架喇，但大阪真係一個好地方，好岩親子旅行，機票又成日做 promotion，抵玩。今次第 2 次去，又發掘更多好玩既地方同大家分享，幫大家 plan 下行程，study hard play hard 嘛 ^^

http://www.kidsplaza.or.jp/en/

今次講呢個 Kids Plaza Osaka 真係重點推介！因為實在太太太好玩了，下次都會再去！其實上網都好多資料搵得到，佢位於[地鐵扇町站] 或[JR天滿站] ，一上地面就係架喇好易搵。入場費 1000 幾百yen。逢星期一休館。

呢個地方集科學館，歷史館，昆虫館於一身之餘，又有 Play House，職業扮演等娛樂遊戲。實在非常多野玩，我地11點左右到達，玩到人地5點關門(平日)7 點關門(假日)，小朋友都意猶未盡！館內有 rest area 可以開餐，午餐只需行過對面街市有賣熟食，又有極平的玉出超市可買餐飲食物，入場後可重覆進場的。

呢度我認為適合幼兒至小學生玩，多新奇事物參觀，有動有靜。特別鐘意佢個 play area，坐塔同繩網隧道都好好玩，個個玩到成頭大汗，建議帶多件衫比小朋友替換。離開後行過對面仲有沙地playground，有滑梯網架等，小朋友可以再放放電。