我係乜乜爸爸？

坊間一直對父母或家長有唔同0既稱號，例如怪獸家長、直升機父母。最近一個新的稱號係「八爪魚家長」。

呢類家長稱號，有褒有貶。每當有呢類新稱號出現，我都會諗下反省下：我會唔會係屬於呢一類家長呢？好怕唔覺唔覺咁做左一個會為子女帶來負面影響0既爸爸。

做左爸爸六年了(大仔六歲、細女四歲)，一直都好努力，好想做一個好爸爸，將｢最好的｣送俾一對仔女。

過左咁多年，我一直做緊一個點樣0既爸爸呢？

「常伴左右」的爸爸：一直都好珍惜好看重與子女一起的時間，一早起身陪佢地梳洗食早餐送佢地返學、工作時間許可的話仲可以接佢地放學、一齊玩玩具一齊睇圖書、一齊去公園玩一齊唱歌跳舞...。原來呢幾年裡面，經常可以同仔女「一齊」、「常伴左右」，見證佢地成長過程中很多很多的「第一次」，其實真係一種福氣。

「沙龍」爸爸：本身喜愛攝影，喜愛用相片記錄有價值0既時刻。自仔女出世後，仍然能堅持每一日都為仔女影最少一張相。我同太太耐唔耐都會重溫呢0的相片，睇番仔女一日一日成長，真係百般滋味在心頭。

我想每種類型的爸爸，都會為仔女帶來正面同負面0既影響，惟願為了對仔女0既愛，驅使自己時刻反省、時刻調整、時刻學習，真的能夠將最好的送俾一對子女！

能陪伴仔女成長，常伴左右，真係一種福氣！