求學不是求分數

其實對小朋友教育呢家野，我不嬲都無咩大計劃。從來唔覺得響學習過程之中，成績有幾重要。數數手指由3 歲開始返學，到高中畢業18 歲，大學畢業22 歲，預鬆D一讀就20 年。漫漫長路，學習係一個成長過程，應該係一種享受，係從中吸受唔同既知識同生活體驗，發掘小朋友多方面興趣同潛能，就係佢成長中最重要既野！搵到佢自己既興趣，亦可能會成為佢終身職業。

好似我咁，從小見到D 靚布就會興奮，中學時開始接觸家政縫紉，會發現自己好鐘意車野喎！又鐘意將自己D 牛仔褲剪左佢加2 塊布響側邊變做裙咁著，又或者剪爛D Tee 改頭換面，哈！結果大學主修Apparel Design，好想時裝設計成為自己終身職業 (係！我知我而家日日喱響屋企湊仔，咁人地都可以有自己既夢想架嘛！xD)。又發現自己勁鐘意上Drawing Class，可以坐響畫板前面大半日不停畫，有種難以形容既感！呢D 完全同讀書叻唔叻無關係，但當然想修到自己鐘意既科目，基本科目hea 住都要合格既。為左做到自己鐘意既事，呢樣又係其中一個可以令人自發性地讀書既原因喇！

其實除左學習課本知識外，社交人際禮儀，做人態度，都係響學校混返黎。第時出黎社會做事，對工作責任感，同同事相處，好多處事方式其實響學習過程中慢慢建立左出黎。呢D 亦同讀書叻唔叻無關係，但就可以決定一個人響工作上既成就！

另外值得一提既，係求學時同學之間純潔既友情，一知半解既話題討論，好多少女心事真係諗起都覺得窩心！讀書生活真係我人生一段好快樂既時光呀！所以話求學，除左求分數之外，仲有好多更值得大家追求既事！爸媽們，共勉之！