主婦手

上年生左楠哥後，成日要洗尿布奶樽，又要同佢沖涼，對手好似無時無刻都係濕既狀態。經過連續兩個幾月係咁又濕又乾，終於洗出隻主婦手！

主婦手是因為雙手經常濕水及長期接觸化學清潔劑而引起，患者指掌及指縫間出現丘疹水泡，皮膚組織變得非常乾燥, 失去彈性, 嚴重會出現龜裂, 流血及腫痛。

當時一出水泡我就知「賴野」了，於是即刻搵返媽咪老遠係香港拎黎既手套戴，一戴上去覺得好岩手形, 洗完一輪野都唔覺得焗, 除出黎反轉一睇, 原來手套內面係絨唔係膠，唔怪得咁舒服啦！

生水泡個位真係痕到咩咁, 於是我開始洗親野都戴套, 同埋每日用白醋浸, 浸左兩個月就好返喇。

正所謂：唔想俾老公嫌棄對手粗糙, 拿拿林戴返對手套！

香港惠康同溫哥華大統華有售。