慎防下半身水腫

各位靚媽們有冇感覺明明著住同一條褲，朝早起身時都好啱身，但一到左晏晝，就覺得條褲變緊左？其實係水腫從中作梗！唔好以為水腫總會消失，好小事，實情長期下半身水腫會更容易令下身堆積脂肪，久而久之，下半身會愈來愈臃腫！

首先，要知道自己是否下半身水腫，可以用手指按壓腿部，如果感到腿部皮膚十分緊繃就是輕中度水腫。另外，在腿上按下3秒，放手後如果凹陷久久未回彈，或者白印好耐先消失，咁就表示有嚴重水腫情況出現。

容易水腫嘅人，一般本身新陳代謝比較慢，攝入太多鈉，從而保留太多水分，但腎臟難以及時排出身體內多餘水分，最後形成水腫。所以要預防下半身水腫，需要從日常生活做起，加快下半身新陳代謝。可參考以下方法，有效預防下半身水腫：

1. 浸腳

浸腳除左可以令血液循環變好之外，亦可以令經絡暢通。注意浸腳每次要浸半小時以上，水位要浸過小腿肚先有效。

長時間保持同一姿勢會令血液循環變慢，導致水腫。

翹腳會壓迫腿部血管，阻礙下半身血液循環。

從下而上用虎口和大拇指向心臟方向按摩小腿，有助加速血液循環。而將雙腿向牆90度抬腿可以令血液引流返身體軀幹，舒緩腿部壓力，消除水腫。

每星期保持最少三次，每次持續至少30分鐘的運動習慣，雖然係老生常談，但對新陳代謝及血液循環確實好有幫助！

眾所周知，高盬高糖等高鈉食物會令體內廢水滯留，導致水腫形成，包括加工食品罐頭同醃製食物等，但你地又知唔知，電解質飲品含鈉量亦十分高，不能隨便飲用。

某些食物如：紅豆、薯仔、蕃薯、菠菜、提子和薏米等含有豐富鉀質及胺基酸，可以加速體內循環，從而促進新陳代謝，亦有利尿效果，幫助排除體內多餘水分，從而減少下半身水腫嘅機會。

除左新陳代謝較為緩慢之外，一啲同腎臟有關嘅疾病，都會影響負責排水嘅腎臟功能，令水腫出現。所以媽咪們無論幾忙都好，都要注意喺晚上10點至淩晨2點呢段最佳人體排毒時間好好休息，時刻注意自己身體健康，咁先有本錢同心力好好照顧自己同屋企人，由內靚到外！