懷孕機會-覆李小姐

問：

陳醫生你好,

我去年10 月在8 週時BB 停心跳所以做吸宮。今年剛在5 月尾時宮外孕打了化療針。

因為再要BB 時, 我好怕會再有宮外孕, 所以去做左輸卵管影, 發覺左邊塞了, 而婦科醫生暫時不建議做手術通返, 因為通返都唔代表可以用返, 佢覺得無必要無啦啦依家又去吸收麻醉藥去通返條管, 而且佢話我再有宮外孕既機會係15%, 佢覺得既然我有85% 機會正常, 佢覺得不如再試懷孕先, 如果真係有事, 先開刀處理左條管佢。

問題就係呢度, 我既左邊係塞既, 右邊係正常, 我諗住每月排卵時就去照超聲波, 睇下該月份係邊一邊排, 如果係右邊我地就會試, 相反, 如果係左邊排, 個個月我地就唔會試。但醫生話呢個方法唔work, 佢話就算照到係左邊排, 都唔一定最後都係左邊出黎, 係咪真係咁架?

同埋, 我唔明勒, 佢話我再有宮外孕既機會係15%, 但係我塞左一邊喎, 點解我有宮外孕既機會不是50%呢?

愚蠢一點再問, 係咪真係無方法可以幫到我….

經過兩次….我心好累好憂心…..

李小姐

答：

李小姐，

曾宮外孕的話，即使輸卵管暢通，再次懷孕時發生宮外孕的機會依然會增加。

理論上每月看排卵情況，如在暢通的一邊便嘗試自然懷孕，即使成功懷孕，也不代表會降低宮外孕的風險。

建議可繼續每月照超聲波檢查排卵情況然後嘗試自然懷孕，雖然這方法不代表不會宮外孕，須知懷孕始終有風險，然而發生宮外孕 不單是輸卵管問題，可能有其他看不到的原因。