嘴唇健康不容忽視！

相信唔少靚女們都試過一朝起身，嘴唇出現乾燥甩皮，甚至爆拆流血嘅情況，真係諗起都痛！其實嘴唇甩皮已經係嘴唇皮膚發出嘅最後通牒，去到呢一步我地必須要正視呢個問題，唇部同眼周一樣都係臉上最脆弱嘅皮膚，而且比眼部皮膚更甚，除左嘴唇好少會似臉部皮膚咁會發生粉刺毛孔等狀況，因此好容易忽視保養問題之外，加上唇部無油脂腺，一切水分同油分都係依靠外來嘅供應，因此唔保養嘴唇就直接等於放棄嘴唇健康！以下步驟可以幫助你喚醒嘴唇光彩：

嘴唇乾燥 DO & DON’T：

1. 不要舔嘴唇：好多人感到嘴唇乾燥時，都會不自覺去舔，但此舉會令唇部本身嘅水分隨口水一起蒸發，導致嘴唇比之前更乾。

2. 不要撕掉半脫唇皮：撕掉唇皮會令唇部皮膚色素沉澱，加深唇色，亦可能令唇部流血，甚至出現細菌感染！

3. 用熱水或橄欖油去除脫皮：如果唇上有半掉不掉嘅脫皮，可以用熱水或者橄欖油塗上唇，再用熱毛巾敷上數分鐘，待脫皮可以輕輕搓落，之後塗上一層厚厚嘅潤唇膏。

4. 使用口紅前先塗護唇膏：此舉不但有助唇部保留水分，更可以防止唇膏色素滲入唇紋內，加深色素沉澱。

5. 冲涼前先抹上潤唇膏：洗澡前先抹上潤唇膏，再在唇上蓋保鮮紙，蒸氣可以有助潤唇膏嘅營養吸收，加強潤唇膏嘅保濕效果。

6. 使用唇部專用的温和缷妝產品：潔淨力太強的缷妝產品會洗去雙唇本身的水分，也可能會對皮膚造成刺激。

7. 多補充維他命 B2 及維他命 C：綠色蔬菜、薯仔、蕃茄及柑橘類水果，都含大量維他命 B2 或維他命C，多攝取以上食物，或者直接補充維他命 B 雜及維他命 C 輔助品，都可以達到有效預防乾燥及唇線模糊。

唇色、唇紋DO & DON’T：

1. 使用含有防曬功能嘅潤唇膏：嘴唇跟臉部皮膚一樣需要防曬，而且因唇部活動更多，要比臉上皮膚更頻密地補塗滋潤性嘅產品。

2. 定期進行護理：唇部亦要進行周期護理，可以每星期進行一次輕柔嘅磨砂去除老化死皮，以及每周敷上唇膜2至3次。

3. 避免用不脫色唇膏：如果唇色比較深或者唇紋較深，要避免塗上不脫色唇膏，以免色素掉進唇紋，加深色素沉澱。使用不脫色唇膏，更可能會在缷妝時造成過多嘅刺激，如拉扯會較多等，令情況更嚴重。

4. 按摩：每天睡前在雙唇先塗上潤唇膏或橄欖油，然後利用兩手中指及無名指分別由上下唇中央向外按壓，至唇角再打圈按摩，可加速局部血液循環，改善唇色暗淡嘅問題。

5. 使用眼霜：眼霜的成分專為脆弱肌膚設計，塗抹在唇上對唇紋及乾燥問題也有很明顯嘅改善效果。

6. 除左臉部保養，唇部保養都唔可以忽略，相信各位女士們都唔想有少女嘅皮膚，但同時有一個老婆婆嘅嘴......以上嘅小 tips 費時不多，好多做起來都好方便，亦唔會阻礙我地同時做其他野，只需少少時間就可以有明顯效果，靚女們不妨跟住一試！