夏天暗瘡印對策

夏天時，媽媽們的皮膚特別容易出粒粒，加上最近是考試週，媽媽們的壓力比較大，緊張小朋友考試的心情，加上唔夠瞓，好多媽媽向我求救生暗瘡有印點算好？

想減少黑頭、粉刺同暗瘡印，就要由減少油脂分泌同由清潔開始啦，但若果真係生左暗瘡而又不幸留下又紅又紫色的暗瘡印，咁又可以點做？要忍受臉上一點點紅紅黑黑嘅痘印，對於愛美嘅女士們來講 NO WAY! 唔想等成半年甚至幾年先完全退印？以下小 TIPS 幫到你加速去印：

1. 徹底卸妝

殘餘在臉上的化妝品，會阻塞皮膚透氣，加上汗水及油脂，會加速皮膚毛孔堵塞，引起發炎，導致黑頭、粉刺及暗瘡。每天晚上，必須徹底卸妝，用沾有爽膚水的棉花，打圈抹淨毛孔內的角質污垢，保持毛孔清爽，才能減少黑頭和暗瘡的形成。

2. 多攝取維他命 C

維他命 C 有助減退黑色素，亦能預防斑點嘅出現，達到美白嘅效果。平日可以多進食含豐富維他命 C嘅蔬菜水果，例如：紅蘿蔔、薯仔、橙、檸檬、奇異果等，亦可以檸檬水代替平日飲用的白開水，加速美白去痘印。

3. 使用美白用品

在暗瘡印上塗含有美白成分，例如：熊果素和左旋 C 的護膚品或勤敷美白面膜，局部加強該處的美白護理，有助暗瘡印早日消失。

4. 防曬

一旦暗瘡印色素加深，將需要更多時間來恢復，甚至形成難以消除的曬斑，要減淡係難上加難，緊記無論什麼季節也好，都不能忽視做好防曬功夫，預防勝於治療，緊記塗抹有效抵抗 UVA 及 UVB 傷害的防曬產品 。

5. 勤去角質

夏天出油明顯較多，每星期使用一至兩次去角質產品，幫助角質脫落；或使用溫和含酸性的去角質產品，有助更新細胞，有效淡化暗瘡印。

6. 勤做運動及足夠休息

暗瘡印的成因是細胞及角質缺乏代謝，運動可以幫助加速身體新陳代謝，血管流通，減少色印積聚；充足睡眠，亦可幫助細胞更新修復，暗瘡印才容易減退。

除了以上方法外，相信大家都聽過好多所謂嘅偏方可以去暗瘡印，無可否認一部分係有用嘅，但某一D 偏方其實係用自己皮膚的健康來做賭注，例如之前好流行嘅牙膏去印，某些產品成分可能刺激皮膚導致敏感，因為貪得意而造成皮膚敏感就得不償失，所以都係使用以上正常方法去印比較安心。