遮黑眼圈有妙法

做媽咪嘅除左要處理家頭細務，仲要照顧精力充沛嘅小朋友，有些媽咪甚至仲要全職工作！每日都咁忙碌，睡眠又點會夠？所以好多媽咪都發現自己嘅熊貓眼愈來愈嚴重…但有時明明已經訓左好耐，起身依然有大大個黑眼圈，究竟點解呢？

其實黑眼圈可以由其形成原因分為2種，一種由於天生眼周皮膚黑色素較多，卸妝吾乾淨形成色素沉澱，角質層增厚而形成的黑棕色眼圈；另一種則是由於眼部疲累，皮膚老化，鼻敏感，睡眠不足或血液循環慢，精神衰弱，營養不良等後天因素而引起的青色眼圈。

無論係邊種黑眼圈，相合女士們都唔會鐘意，可能大家都試過揸左一般遮瑕膏之後唔單只冇改善，反而顯得灰灰髒髒或者眼下明顯白了一塊，望落去更無精神和奇怪……事實上遮黑眼圈都要夾返相應嘅遮瑕膏，黑棕色同青紫色嘅黑眼圈分別要用唔同顏色嘅遮瑕膏來修飾：

黑棕色眼圈需要用橙紅色嘅遮瑕膏來淡化，而青色眼圈就要用黃色遮瑕膏來遮掩；要維持到自然而長久的妝容效果，首先要用相應色調的遮瑕膏在眼圈（特別是在眼圈較嚴重的眼頭位置）重點遮瑕，接著可以在該部位用粉底掃輕掃上一層最接近皮膚色的粉底，用吸油面紙輕按吸收多餘油脂後，再在該位置用透明蜜粉輕按定妝，咁樣就唔會卡粉或者溶到一層層，變得比之前更礙眼啦。

雖然可以透過化妝來遮掩黑眼圈，但身為完美主義者，素顏嘅時候當然都唔想成隻熊貓咁有大大個黑眼圈，下篇文章我會同大家講下點先可以由根本消滅黑眼圈呢個強敵！