韓國護膚品危機

暑假岩岩先過，相信好多媽咪都會趁呢段時間帶小朋友去旅行，韓國亦係其中一個極受歡迎 嘅旅遊熱點，而去韓國重點節目之一當然係狂掃護膚品啦！ 但係你有冇諗過買韓國護膚品會有咩危機呢？

首先，雖然從香港入口外國護膚品及化妝品須貼有中文標籤，列明名稱、成分、有效日期、使用指示等資料，但很多賣韓貨的店舖（特別是水貨店或網店）為了節省成本，或者我地直接在韓國購入的護膚品都沒有依相應規定貼上中文標籤。

買左呢類產品，除左可能因為睇唔明韓文而誤解本身產品的使用方法，忽略使用該產品的注意事項，不但不能護膚，甚至會傷害皮膚！而且睇唔明產品成分，好容易會令我們誤中致敏陷阱，得不償失！

再者，現時大部分護膚品都含有石油副產品──礦物油提煉而成，我地都知道佢對皮膚嘅害處：雖然可以吸附在皮膚表面，做成皮膚柔軟同防止水份流失嘅假象，但其實會妨礙我哋皮膚本身嘅新陳代謝同毛孔呼吸，，長期使用同清潔吾乾淨更會阻塞毛孔，削弱皮膚的防禦力及保濕力，令皮膚更加乾燥及造成暗瘡粉刺，敏感等問題，只不過這些廉價護膚品多加添了一些護膚成份，掩人耳目，令大家視聽混淆。

凡士林正直是礦物油的表表者，你能想像將凡士林塗上臉嗎？完全是把一層膠膜敷在臉上，把臉部毛孔完全堵塞！；而由於礦物油成本低廉，保質期長及穏定，所以很多韓國護膚品都含有礦物油，尤其是平價品牌因價格所限，礦物油幾乎是必須成份！

當然，韓系護膚品及化妝品不乏優質產品，因為現在全球也睇好韓國化妝品業，各國投放大量人材及資金開發韓國護膚產品，務求賺一大筆！所以要避開以上嘅危機，除左唔好人云亦云聽人講過話好用就買（有些大熱的所謂韓國護膚品甚至係韓國搵唔到，係由內地炒起嘅國產仿韓產品！），所以事前應做足功課，查清心儀產品嘅成份及用法，以免最後一擇千金買左返嚟都係擺，搽完敷完，過一排先敏感出粒粒再花錢睇醫生，誤中護膚危機就無謂啦！